Hús 1

Samstarfsaðili Fálkans á Akureyri er Straumrás hf.  Rótgróið fyrirtæki sem þekkir sinn heimamarkað vel og nýtur nálægðar við öfluga útgerð og iðnað norðan heiða.

Hjá fyrirtækinu starfa fimm hressir og kraftmiklir strákar með góða og haldbæra reynslu. Verslunarstjóri og æðsti prestur er Guðni Hermannsson.

Kjarnastarfsemi Straumrásar er fjölþætt þjónusta við iðnað og vöruframboðið endurspeglar það þar sem fyrirtækið höndlar með ýmsar vörur í endursölu frá innlendum heildsölum. Má þar nefna raf- og vélavörur frá Fálkanum, glussakerfi og aðrar vörur frá Landvélum en einnig ýmis verkfæri, öryggis- og efnavörur o.fl.. Straumrás er með gott úrval af bílavörum fyrir trukka og tæki, reimum o.s.frv.. Nálægðin við bændur og þjónusta við ferðamenn með tjaldvagna og fellihýsi litar svo starfsemina á sumrin.

Í raun má segja að það sé eitt ævintýri að heimsækja verslun Straumrásar sem ber sterkan keim að því að vera sá aðili sem reddar flest öllu er snýr að vélbúnaði og tækjum og gott betur. Stemingin er skemmtileg og strákarnir allir af  vilja gerðir að þjóna sínum viðskiptavinum.

Straumrás hf., Furuvöllum 3, Akureyri
Sími:             461 2288
Netfang:      straumras@straumras.is
Heimasíða:  www.straumras.is

Opnunartími er kl. 7.30 til 17.00 alla virka daga

Neyðarnúmer utan hefðbundins opnunartíma er 892 5526